DILI, 28 Abril 2026 (RTVU), Estudante Eskola Sekundaria Teknika Informatika Ahisaun Metinaru, tersa-feira ne’e, ensera estajiu durante fulan rua, iha Dirasaun Rekursu Umanus, Universidade Oriental Timor-Lorosa’e (UNITAL).
Ofisial Rekrutamentu Rekursu Umanus, Universidade Oriental Timor-Lorosa’e (UNITAL) agradese wain tebes tanba bele halo koperasaun ho eskola teknika vokasional sira, la’os de’it teknika vokasional metinaru, maybe eskola teknika husi lospalos mós, iha semana kotuk ita ensera tia ona, no sira ida tuir kursus naun formal sira mós mai pratika iha ne’e, ami hanesan Rekursus Umanu sira sempre mai halo koperasaun, no ita hakarak fahe matenek iha Universidade, la’os de’it fahe ba estudante Universidade sira de’it, maibé ita mós fahe ba estudante eskola teknika vokasional, atu nune’e sira mós bele aprende buat ne’ebé Universidade iha, karik aban bainrua sira remata, sir abele mai kontinua iha ita nia Universidade ida ne’e. tanba ne’e maka durante ita hanorin buat barak ligadu ho sira nia area ne’ebé durante aprende iha sira nia eskola, mai ita hakle’an tan, para atu nune’e siénsia ne’e bele sai forsa liu tan iha futuru mai.” Hateten Silveiro Pinto, iha nia kna’ar fatin UNITAL Bekora Dili.
Nia rekomenda mós ba estudante eskola teknika vokasional no estudante sekumdaria jeral katak, Universidade Oriental Timor-Lorosa’e ( UNITAL), eskola ida ne’ebé privadu maibé nakloke ba ema hotu-hotu hodi kompete siénsia, tanba siénsia mak bele muda mundu, se laliu husi siénsia mundu ital abele halo buat ida, entaun siénsia ne’e importante tebes atu ema hotu mai aprende. Universidade Oriental Timor-Lorosa’e (UNITAL) hari’i husi ita nia aman veteranus sira, hakarak atu kontribui liu husi edukasaun, bele mai aprende iha UNITAL, hanesan mós eskola sira seluk, siénsia laiha diferensia hotu-hotu hanesan oinsa atu muda mentalidade liu husi siénsia.” Tenik Silveiro Pinto.
Estudante Teknika Informatika Metinaru, sente komtenti tebes tanba Universidade Oriental Timor- Lorosae (UNITAL) simu ami ho di’ak no ami bele halao estajiu ida ne’e ho di’ak liliu iha ami nia area no ami aprende iha Universidade ida ne’e ami aprende kona-ba print no ajuda professor sira hodi hadia no sobu komputer ne’ebé avaria.” Hateten Mateus de Carvalho.
Universidade Oriental Timor-Lorosa’e (UNITAL), kontinua fó espasu ba estudante no eskola sekundaria no formasaun naun formal sira, hodi hala’o estajiu profisional hodi hasa’e koñesimentu iha area espesialidade no area sira aseluk.
Jornalista : Madalena Malaquias
Editora : Revelina Rangel
Leave a Reply