Dili-Radiu Televizaun Universidade Oriental (RTVU-O), 05 Outobru 2026. Xefe Departamentu Kurrikulum UNITAL ho ekipa, diskuti revizaun Kurrikulun ikus iha senadu Asembleia, atu nune’e bele Implementa iha futuru.
Xefe Departamentu Kurrikulum “Valentina Tuto Paok”hateten, Departamentu Kurrikulum kontinua diskuti revizaun Kurrikulun ne’ebé antes ne’e diskute ona iha fulan kotuk hamutuk ho Fakuldade Hitu, tamba ne’e ohin diskute ikus iha senadu Asembleia, atu nune’e bele Implementa iha futuru oin mai.
Xefe Departamentu kontinua esplika objetivu lolo’os mak atu hare’e nukleu integrasaun no konkluzaun tamba agora ne’e bazeia ba lei katak tenke prepara ita nia kurrikulum foun hodi diskuti tamba iha kurrikulum tuan ne’e lei lahanesan ho kurrikulum foun no ita koalia kona-ba nukleu institusional, nukleu komum no iha mós nukleu espesifiku, tamba ne’e ohin loron ita diskute kona-ba nukleu institusional integrasaun ne’ebe refere liu ba estudante foun sira, atu nune’e bele forma sira nia skiil diak liu iha futuru oin mai.
Jornalista : Euzenia da Costa
Editora : Augustina Bosco
Leave a Reply