Dili, 08 Jullu 2026 (RTVU), Departamentu Petroleo, Universidade Oriental Timor-Lorosa’e (UNITAL), hala’o atividade Community Engagement kona-ba Petroleo Goes to School, iha Eskola Sekundaria Geral 5 de Maio Bekora Dili.
Xefi Departamentu Petroleo, Atividade ohin ami halo mak atividade Community Engagement ho topiku Petrolium Goes to School, iha topiku prinsipal ami sei esplika kona-ba energia renovavel no energia non renovavel sai hanesan ponte ba enerjia futuru nian. No atividade ne’e ami implementa kona-ba trez pilares universidade nia mak hanesan aprendizagem, peskiza no servisu ba komunidade, entaun atividade ne’e ami servisu ba komunidade maibé foka liu ba komunidade akademiku sira liu-liu alin estudantes sira iha Eskola Sekundaria Geral 5 de Maio Bekora, fó informasaun oinsa sira atu hatene kona-ba petroleo, tamba ita hatene katak Timor-Leste ne’e fundus petroliferu sai hanesan papel importante dezemvolvimentu Timor-Leste entaun ami mós persija fahe informasaun ne’e ba estudante sira liu-liu ba estudantes Sekundariu sira atu nune’e sira mós bele komprende kona-ba minarai ne’e oinsa, ita atu produs ne’e oinsa, ida ne’e mak ami nia papel hato’o informasaun mai iha eskola ida ne’e.“ hateten Florençio Quintas, iha Eskola Sekundaria Geral 5 de Maio Bekora Dili.
Diretor Eskola Sekundaria Geral 5 de Maio, UNITAL mai halo seminariu iha Eskola Sekundaria Geral 5 de Maio ne’e hanesan, liafuan ida karik kapas tebes hodi nune’e bele nakloke di’ak liu tan ba ha’u nia estudantes sira nia hanoin ba futuru.’’hateten Julio Maia Castro De Jesus iha nia kna’ar fatin Bekora Dili.
Atividade Community Engagement ne’e Diretor Eskola Sekundaria Geral 5 de Maio husu ba UNITAL, liu husi Departamentu Petrolium hodi kontinua kopera ho eskola Eskola Sekundaria Geral 5 de Maio, atu nune’e ba oin nafatin fahe informasaun ba estudantes sira.
Jornalista : Gloria dos Santos
Editora : Revelina Rangel
Leave a Reply