Dili : 07 jullu 2026 (RTVU), Departamentu Geolojia Universidade Oriental Timor-Lorosa’e (UNITAL), realiza seminar iha Eskola Sekundaria Geral 12 De Novembru Bekora, hodi ko’alia kona-ba dezastre naturais liu-liu inundasaun ne’ebé kada tinan sempre akontese iha kapital Dili.
Tuir Xefe Departamentu Geologia Florencio Quintas Hateten, seminariu ne’e ko’alia kona-ba oinsa ita atu asegura ita nia kapital dili, wainhira akontese dezastre naturais no inundasaun tamba ne’e habelar informasaun ba ita nia komunidade sira, ami hili liu no fo oportunidade ba komunidade akademiku sira, liu-liu alin estudantes iha eskola Sekundaria Geral 12 De Novembru, tamba ne’e ami husi Departamentu Geologia, hakarak fahe siénsia ne’ebé ami hetan no peskiza ba alin sira hodi hatene no komprende. Ita hotu hatene katak sidade dili hanesan kapital ka nasaun ida ne’ebé sempre hasoru ploblema oi-oin maka hanesan iha dezastre naturais, indunasaun, rai halai no buat sira hotu akontese fo risku tebes ba komunidades hotu, ho nune’e susar tebes ba ita atu halo movimentu, entaun ita buka tuir nia fukun problema ne’e iha ne’ebé, tanba saida mak problema ne’e sempre akontese.“Nia hatutan.
Diretor Eskola Sekundaria Geral 12 De Novembru, seminar ne’e sai hanesan buka’e ida ba alin estudante sira, karik iha hanoin atu kontinua ba Universidade Foti Fakuldade Engenaria, liu-liu iha Departamentu Geologia, aprende no komprende ona siénsia sira iha Departamentu Geologia, atu nune’e bele realiza mehi ne’ebé mak imi iha bá, sidade Dili kuandu udan bo’ot sempre hamosu inundasaun fo impaktu negativu ba ita nia komunidades, no ba ema hotu, hodi halo movimentu ba mai, tamba ne’e hanesan Diretor eskola agradese tebes ba Universidade UNITAL, liu husi Fakuldade Engenaria, Departamentu Geologia bele realiza seminar iha Eskola Sekundaria Geral 12 De Novembru sempre nakloke ba Universidade sira iha Dili Laran, inklui UNITAL, seminar ne’e importantes los ne’ebé hakle’an ba jerasaun foun sira hodi banati tuir hodi aprende di’ak liu to’o loron ida, bele hadia ita nia Nasaun ida ne’e no sira mós bele proteje nasaun. “hateten Marcelino Menezes Babo”
Liu husi atividade hirak ne’e, Departamentu refere kontinua halo kolaborasaun di’ak ho Eskola Sekundaria Geral 12 De Novembru, atu nune’e bele kapasita diak liu tan koñesimentu foinsa’e sira ba iha futuru.
Jornalista : Pedro Mendonça
Editora : Revelina Rangel
Leave a Reply