DILI, 29 janeru 2026 (RTVU), komisaun organizadora ba kandidatu estudante foun, Universidade Oriental Timor Lorosa’e (UNITAL) hahu fó teste dahuluk ba kandidatu estudante foun hamutuk 400 iha UNITAL Bekora Dili.
Komisaun organisadora ohin ita nia Universidade Oriental Timor-Lorosa’e fó teste priemeiru ba ita nia kandidatu estudante foun husi Fakuldade (7), mak hanesan Direitu, Siénsia Sosiáis I Politika, Ekonomia, Agrikultura, Engenaria, Edukasaun no Saude, husi kanditadu mai rejistu iha Fakuldade hitu ne’e ho total 400, orariu ba teste ne’e ita fahe ba loron rua, tanba ita nia estudante barak liu, no sala aula lato’o entaun fahe ba loron rua ohin kinta-feira to’o aban sexta-feira, ohin sira ne’ebé tuir teste ne’e barak liu kompostu husi Departamentu (35) ,no ohin ita realiza teste ba etapa primeru no segundu ba estudante sira ne’ebé rejistu iha fulan outubru to’o janeiru semana kotuk nian no ba etapa terseiru nian ita sei kontinua nafatin halo rejistrasaun no sei taka iha loron 23/03/2026. hodi prepara ba formasaun nian.”Justino Mendes Pereira informa ba jornalista iha nia kna’ar fatin UNITAL Bekora Dili.
buat ne’ebé mak motiva hau atu mai kontinua hau nia estudu iha Universidade Oriental Timor-lorosa’e, primeiru fatin sufisiente ba estudante sira atu aprende, biblioteka sufisiente ba estudante sira atu le’e livru no finanseiru sufisiente ba estudante sira atu selu. hau foti Fakuldadde Saude no Departamentu enfermagen, tanba iha hau nia postu no hau nia suku menus ba fakuldade saude no departamentu enfermagen, tan ne’e hau hakarak foti ida ne’e, atu nune’e hau bele ajuda komunidade sira. hau tuir teste ba ohin ida primeru hau senti tauk, tanba tuir teste primeru vez iha Universidade, no hau senti kontente tanba materia ne’ebé fó mai ami ladifisil, fasil tanba materia ne’ebé mak ami hetan iha segundariu.”hateten Emilia Fatima da Conseição.
Tuir observasaun Jornalista Radio Televizaun Universidade, iha terenu hare’e katak, teste ba kandidatu estudante foun etapa dahuluk ba tinan 2026, husi professores Universidade Oriental Timor-Lorosa’e ( UNITAL), maibe rejistrasaun simu estudante foun ba etapa terseiru kontinua la’o hahu iha loron 05 Fevereiru to’o loron 08 Março 2026.
Jornalista : Etelvina do Sarmento
Editora : Revelina Rangel
Leave a Reply