Dili: Radiu Televizaun Universidade Oriental (RTVU), 08 Outobru 2026, Estudantes Universidade Oriental Timor-Lorosa’e (UNITAL), husi Fakuldade 7, tuir kompetisaun Kadi Kakutak, hodi dezenvolve kapasidade iha area espesifiku ida-idak.
Reitor UNITAL “Claudino Ninas Nabais” iha nia diskursu hateten, Estudantes ne’ebé tuir kompetisaun ne’e selesionadu ona iha kada Fakuldade no Departamentu, mak to’o ona iha nivel Universidade, tamba ne’e husu estudantes atu hatudu no dezenvolve sira nia talentu, matenek iha area espesifiku ida-idak.
Dala ruma imi sente katak imi matenek ona iha grupu, iha klasse no iha Departamentu ida-idak, maibe imi seidauk hatene imi nia matenek iha ema barak nia leet, tamba ne’e liu husi kompetisaun Kadi kakutak ne’e bele hatudu imi nia matenek, imi nia kapasidade no potensial ne’ebé kualidade. “Hateten Reitor UNITAL.”
Iha fatin hanesan Prezidente Komisaun Organizadora, Francisco Ruas Hornai hateten, programa kompetisaun Kadi Kakutak ho objetivu atu kapasita matenek estudante sira nian,no estudantes ne’ebé hetan delegasaun kada Fakuldade.
Kompetisaun ne’e mós importante tambá ligadu ho Edukasaun, no ita koalia kona-ba matenek lao’s ita hetan exselente deit iha aula laran, maibe oinsa atu kompete liu husi kadi kakutak atu nune’e estudante sira mós rekoñese sira nia matenek.“Hateten Prezidente K.O”
Liu husi Kompetisaun Kadi Kakutak estudantes bele dezenvolve kapasidade intelektuais iha are espesifiku ida-idak.
Jornalista : Albertina Exposto
Editora : Augustina Bosco
Leave a Reply