Dili, 28 Outubru (2025), Reitor Universidade Oriental Timor-Lorosa’e (UNITAL), Partisipa serimonia enseramentu estajiu servisu social iha Suku Fatuwaque, Postu Administrativu Barique, Munisipiu Manatutu, molok estudantes sira deskola fila fali ba iha Universidade
Reitor UNITAL, hanesan aman ba universidade senti kontenti no laran haksolok tebes tanba la iha keixa ruma ne’ebé ami simu husi PNTL ka husi parte seluk kona-ba ami-nia estudante sira, ida ne’e hatudu katak ami-nia estudante sira-nia komportamentu di’ak tebes durante sira-nia prezensa iha ne’e Ami apresia tebes Ami hatene katak ami-nia oan estudante sira-nia prezensa fó ona kontribuisaun balun ba Suku Fatuwaque, Estajiu Servisu Sosiál ne’ebé sira realize durante fulan ida ne’e hanesan pasu importante ida ne’ebé liga estudante sira ba komunidade tanba tuir ami-nia kurríkulu pratika ne’e obrigatoriamente presiza atu hala’o molok estudante sira tamaba faze preparasaun peskiza.” Claudino Ninas Nabais, hateten ba Jornalista iha Suku Fatuwaque.
Hanesan autoridade Suku Fatuwaque nian observa katak durante estudante sira-nia Estajiu Servisu Sosiál (ESS) iha ne’e sira hala’o sira-nia serbisu ho dedikasaun no responsabilidade ne’ebé di’ak tebes ami hakarak hateten katak ami senti kontente tebes tanba estudante sira-nia komportamentu mak di’ak tebes no la iha kazu ruma kona-ba problema ne’ebé sira kria iha suku ne’e, Sira-nia prezensa iha Fatuwaque hatudu ezemplu di’ak ba ami-nia juventude ida ne’e hatudu katak Universidade UNITAL konsege forma ona estudante sira ne’ebé la’ós de’it matenek, maibé mós iha étika no disiplina ne’ebé aas.” Feliciano da Costa Oliveira, informa ba jornalista iha nia kna’ar fatin Suku Fatuwaque.
Reprezentante Administrador Postu Administrativu Barique Caetano da Costa, ami orgullu hodi hateten katak Estajiu Servisu Sosiál ne’ebé estudante sira hala’o durante fulan ida iha ami nia suku la’o ho di’ak tebes no atinje susesu, Estudante sira ne’e la’ós de’it mai atu fó kontribuisaun ba komunidade maybe sira mós fahe esperiénsia no koñesimentu barak iha ami-nia komunidade, iha tempu hanesan, ami-nia Komunidade, ami hare’e estudante sira mai ho komportamentu ne’ebé di’ak tebes no ida ne’e halo ami nia komunidade kontente atu simu sira nia Esperiénsia, ne’e hatudu katak estajiu ne’e furak tebes ba parte rua: estudante hetan esperiénsia prátika, no komunidade hetan tulun no matenek foun.” Nia hateten.
Atividade enseramentu ne’e partisipa husi Reitor UNITAL, Professores orientador, Reprezentante Admistrador postu Barique, Xefi Suku, Eskuadra PNTL postu, komunidade inklui estudantes Sira hotu.
Jornalista : Edison Fernandes
Editora :Revelina Rangel
Leave a Reply