Dili, 29 Outubru 2025 (RTVU), Reitor Universidade Oriental Timor-Lorosa’e (UNITAL), partisipa enseramentu estudantes estajiu servisu social iha Suku Uma Buku, Postu Administrativu Barique, Munisipiu Manatutu, husu ba estudantes sira hotu atu hatudu étika no komportamentu di’ak ba iha komunidade iha Suku.
Senti kontenti tebes hakarak hato’o ba estudante sira katak, bainhira ami lori imi mai aprezenta ba Administradór Postu no Xefe Suku sira maski imi hotu mai nu’udar reprezentante hosi universidade nian, maski mosu asidente ruma imi la bele haluha katak imi-nia hahalok iha ne’e lori imi-nia individu pesoál nian. No liuliu, imi-nia hahalok no komportamentu hotu hotu iha ne’e mos reprezenta Universidade (UNITAL).” Claudino Ninas Nabais informa ba jornalista iha Suku Uma Buku.
Suku Uma buku senti kontenti no laran haksolok tebes tanba Universidade Oriental Timor Lorosa’e (UNITAL) bele halo kooperasaun ne’ebé di’ak ho lideransa komunitária iha ami-nia suku. Ami agradese tebes ba Reitór UNITAL no ba Dosente sira hotu ne’ebé fó ona konfiansa hodi lori estudante Universidade UNITAL sira mai hala’o sira-nia Estajiu Servisu Sosiál iha suku ida ne’e tanba ne’e, ami husu ba universidade UNITAL atu nafatin mantein kooperasaun ne’e, no bele kontinua halo ligasaun ba future oin mai.” Feliciano Baptista relata ba jornalista iha nia kna’arfatin Suku Uma Buku.
Estudante estajiadu Melquiano da Costa, senti orgullu boot tebes tanba ami-nia atividade durante fulan ida nia laran iha Suku Uma buku la’o ho susesu tuir ami hotu nia esforsu. Serimónia enseramentu ohin nian sai hanesan tempu ne’ebé ami hato’o relatóriu kompletu ba Suku Uma buku kona-ba atividade hotu-hotu ne’ebé ami konsege realiza. Atividade sira ne’e ami fahe ba parterua: Fíziku no Non Fíziku. Atividade Fíziku mak hanesan hari’I hadi’a fatin lixu Enkuantu atividade Non Fíziku mak hanesan fahe esperiénsia ka koñesimentu ba komunidade no estudante sira seluk. Susesu ne’e la’ós de’it ami nia esforsu, maibé mós tanba apoiu ne’ebé boot husi komunidade rasik.” Nia hateten.
Atividade enseramentu ne’e hetan partisipa husi Reitor UNITAL, Professores orientador, Admistrador postu Barique, Eskuadra PNTL postuBarique, Xefisuku ho nia ekipa, Xefi Aldeia ho nia ekipa, komunidade inklui estudantes sira hotu.
Jornalista : Edison Fernandes
Editora :Revelina Rangel
Leave a Reply