Dili, 07 Outubru 2025 (RTVU) Sekretariu Estadu Kooperativas asina Letter of Agrement ho Instituisaun Akademika UNITAL, hodi hala’o peskiza kona-ba produtu Fini Bafo Kay Rala ida ne’ebe di’ak liu ba produtor agrikultura hodi produz no koleta hodi oferese ba komsumidores iha Timor-leste.
Sekretariu Estadu Kooperativa, Arsenio Pereira da Silva esplika, desde tinan 2024, konseke halo diskusaun kona-ba akordu entre parte rua, ba servisu hamutuk hodi realiza programa peskiza liu-liu iha Batar Bafo Kay Rala, atu hatene didi’ak, produz fini ne’ebe kualidade, bele iha produsaun a’as, tanba kada tinan kontinua kuda no koleta, tan nia adapta ona kondisaun no klima iha Timor-leste, tantu iha Rai Tetuk no Foho Leten bele fo produsaun, maibe atu di’ak liu ne’e tenki liu husi peskiza.
Reitor UNITAL Claudino Ninas Nabais hateten, aseita imediata ho diskusaun ne’e, nu’udar Instituisaun Akademika iha mós Fakuldade Agrikultura iha Departamentu ne’ebe ligadu ho agrikultura, ho nune’e bele ajuda hodi buka solusasun ba produtu hirak ne’e mak liu husi peskiza.
Relasiona ho akordu ne’ebe iha, parte rua ne’e sei deside hamutuk, molok hala’o peskiza iha terenu tinan ne’e.
Bele Asesu Liu huis Ami nia Pagina https://Faceboo.com Rtvu Oriental
Leave a Reply