DILI, 13 Dezembru 2025 (RTVU) – Sentru Formasaun Foemocho Training Center (FTC) hamutuk ho East Timor Blossom Association (ETBA), kinta-feira ne’e, realiza semináriu nasionál ida ho tema “Prepara Joven atu sai Lideransa Profisionál ba Dezenvolvimentu Nasionál” ne’ebé hala’o iha Salaun (UNITAL), Bekora.
Objetivu prinsipál husi atividade ne’e mak atu motiva foin-sa’e sira hodi foti papél loloos iha prosesu konstrusaun nasaun nian liuhusi dezenvolvimentu kbiit no kualifikasaun profisionál.
Diretor Foemocho Training Center no East Timor Blossom Assosiation, atividade prinsipal ba loron ohin ita halo Semináriu nasional no halo karta konvite ida ba parte Sekretariadu Estadu Formasaun Profisional, aliénde ita nia Eis Presidadente Republika Demokratika de Timor-Leste Exelensia Sr.Taur Matan Ruak, komu iha aktividade barak la konsege marka prezensa entaun ita iha orador rua maka Presidenti Fundasaun Foemocho Training Center no Eas Timor Blossom Assosiation (FTC no ETBA), Sr. Belito Marçal , no konseisaun sai hanesan orador primeiru, i hau mós sai hanesan orador segundu ho nia tema geral ita kualia kona-ba preparadu jovens profisionais ba dezenvolvimentu Nasional nian, orador primeriu ko’alia ona kona-ba joven sira oinsa ba desenvolvimentu nasional liu-liu sentru formasaun, ita motiva nafatin joven, kriansas sira sai nafatin ba prosima edukasaun naun formal liu-liu ba iha Sentru Formasaun Foemocho Training Center no Eas Timor Blossom Assosiation, nafatin nakloke ba publiku katak hotu-hotu mai aprende, aprende ne’e importante tebes tamba wainhira aprende barak le’e barak ko’ali barak ita sei iha kapasidade eskil ne’ebé di’ak no sei hadia diak liu ba desenvolvimentu Nasional no ba futuru oin mai.” Juvencio dos Santos hateten ba jornalista iha salaun UNITAL Bekora Dili.
Iha fatin hanesan, partisipante Martino da Costa, esprime ninia orgullu no apresiasaun ba kbiit oradór sira-ne’ebé fahe ona vizaun estratéjiku ba dezenvolvimentu kualidade joven sira nian.
“Hau sente orgullu tebes ba oradór sira-ne’ebé partilla ideia kona-ba oinsá prepara joven sira liuhusi formasaun oin-oin, hanesan konesimentu komputadór, língua Inglés, Português, no administrasaun. Formasaun sira-ne’e fundamentál atu forma joven sira-nia abilidade no komitmentu hodi bele kompeti iha merkadu globál no mós nasionál,” dehan Martino da Costa.
Nia mós dehan tan katak ligasaun entre formasaun no kompetensia mak xave ba susesu: “Husi sesaun sira-ne’e, hau kapta katak preparasaun liuhusi formasaun ne’e la’ós de’it atu hasa’e abilidade tékniku, maibé mós atu haburas onestidade nu’udar valór prinsipál hodi konkore iha merkadu traballu.”
Semináriu nasional partisipa husi prezidenti Fundasaun Foemocho Training Center no East Timor Blossom Assosiation, Prezidente, oradores, formadores no estudantes sira hotu.
Jornalista : Timotia Calistro
Editora : Revelina Rangel
Leave a Reply