UNITAL, 21 Outubru 2025 (RTVU)- Governu liu husi Sekretariu Estadu Komunikasaun Sosiál (SEKOMS), hala’o lansamentu ofisialmente ba website Radio TelevizaunUniversidade Streaming hodi produz informasaun ba iha públiku.
Ohin Sekretariu Estadu Komunikasaun Sosiál, reprezenta governu mai lansa wedsite no Radio Streaming ba Universidade Oriental Timor-Lorosa’e ( UNITAL), hodi nune’e sira bele hahu, deseminasaun informasaun, konserteza ida ne’e la’os de’it interese Universidade no estudantesn ian, maybe interese ba komunidade tomak, sira nia Frekuensia ne’ebé atinji iha areadores Bekora, no area ne’ebé besik, Expedito Loro Dias Ximenes “Relata ba jornalista sira iha Salaun Auditorium UNITAL Bekora Dili.
Governante ne’e lori nonu governu konstituisional agradese ba Reitor, Professores no estudantes sira iha UNITAL, tanba sira komprende tebes importansia husi informasaun ba komunidade sira iha UNITAL, Radio ho Wedsite ne’ebé ajuda sira bele halo komunikasaun entre estudantes no estudantes sira ho professors nune’e mós ba sira nia familia wainhira inan aman hakarak hatene kona-ba atividades eskola nian. Radio streaming konsertesa UNITAL, iha Radio Televizaun sira bolu dehan RTVU, sira halo kobertura no sira mós halo nia streaming, no produtu ne’ebé sira produs iha Radio televizaun no wedsite, ba hau ne’e importante tebes ba iha Universidade ida ne’e”, SEKOMS dehan.
Iha biban ne’e Sekretariu Estadu Komunikasaun Sosál husu ba Reitór UNITAL, atu bele rejista iha Konsellu Imprensa (KI), tanba Mídia Komunikasaun no Orgaun Komunikasaun Sosiál hotu-hotu, presiza rejista atu bele hetan kredensia hanesan sertifikadu ne’ebé rekoñese husi estadu ne’ebé sei reprezenta hosi Komsellu Imprensa.
Iha fatin hanesan, Reitor Interinu UNITAL, Cecilio Alves da Costa Belo “hateten, graças a Deus, ita UNITAL iha pasu ida tan parte Mídia Komunikasaun Sosiál ninian, parte ki’ik ida maibé ba ami UNITAL ne’e importante tebes, liu husi website ida ne’e bele divulga informasaun sira ba iha sosiedade hotu-hotu, Reitor Interinu dehan.
Ho nune’e iha oportunidade ida ne’e husu ba Sekretariu Estadu Komunikasaun Sosiál atu akompaña no sei tilun mai ami buat ruma, nu’udar responsavel governu nian bele fó atensaun no hanoin mai ami atu nune’e bele aumenta kapasidade hodi melhora area Komunikasaun Sosiál ninian”.
Remata iha lansamentu ne’e sekretariu Estadu Komunikasaun Sosiál, hala’o vizita kedas ba iha estudiu Radio Televizaun Universidade Oriental, hodi hare’e direitamentu fatin produsaun programa no informasaun aktualidade inklui fasilidades sira hotu.
Jornalista : Edison Fernandes
Editora :Revelina Rangel
Leave a Reply