UNITAL, 22 Outubru 2025 (RTVU), Reitor Internu Universidade Oriental Timor-Lorosa’e (UNITAL), Kuarta-Feira ne’e, hala’o abertura ba atividade kompetisaun Feira Edukasaun no konsertu músika hodi promove talent estudantes.
Presidente Fundasaun Oriental Timor-Lorosa’e (FORTIL), ne’ebé eventu ida hanesan ne’e, hau hanoin katak, liu husi atividade ne’ebe bele forma no kapasita imi idak-idak, bai-bain ita dehan katak imi mak future ba Rai Doben Timor, no imi mak sei fó distinu ba Rai Timor, tantu Universidade atu mai kapasita imi atu aban bain rua imi sai servidor di’ak, Lere Anan Timor informa ba jornalista sira iha UNITAL Bekora Dili.
“Ami hari’I Fundasaun no hari’i Universidade ida ne’e, hatene katak ami mai husi Ai-Laran mak har’i, imi hatene katak ami imi nia aman no avó sira, ami laiha Titulu Doutoramentu ka Lisensiadu, uluk Português nia tempu karik ami iha Kuarta Klasse, imi ne’ebé mai eskola iha ne’e tantu feto ka mane hau lafiar imi hotu-hotu mai husi ema riku nia oan, imi kiak ninia oan, hau husu ba imi labele moe tanba imi nia inan aman kiak, beik no lahatene sura, imi tutur, imi lori sira nia beik, sira nia nakukun, mai eskola atu kasu iha eskola, atu nue’e aban bain rua imi sai servidor di’ak ba familia, servidor di’ak ba Nasaun no Estadu, nia hatutan.
Nia akresenta tan katak, ami funu 24 anus, imi ami nia oan beioan sira katak oan sira funu rai hela saida ba ita, saida mak rai hela ba imi mak ne’e, Timor-Leste sai Nasaun soberanu independente, buat hotu-hotu ne’ebé iha teritoriu Timor laran imi nian, imi mak tenki hatene jere no imi mak tenki dezenvolve, ita nia rai bele riku oinsa, kuandu ita laiha rekursu umanus ne’ebé matenek, ita nia riku sei la aproveita ita sai kiak iha riku nia leten tanba ne’e imi tenki estuda. Mai eskola iha Universidade ne’ebé ami funda iha ne’e la’os fatin politika, fatin atu estuda sai matenek, Universidade hari’I tinan 23 ona, moris iha problema nia laran, balun mai iha ne’e lori lia no balun mai iha ne’e hakarak buka problema. Mais hau husu ba imi estudantes sira imi iha esperansa loron ida imi sei husik ideia ne’ebé imi tur, maybe imi seidauk iha esperansa ba imi nia futuru, tan ne’e rona imi nia professor sira, imi alunus alunus rona malu, estuda sai matenek sai future nasaun nian,” tenik nia.
Reitor Interinu UNITAL, Cecilio Alves Da Costa Belo, “hateten, ami agradese nafatin ba Ministeriu Ensinu Superior Siénsia I Kultura ba suporta ida ne’e importante mai ami UNITAL, maka mai ita hamutuk husi Fundasaun estrutura Universidade, estrutura estudantes nian to’o ba iha kliner nian, mai ita hamutuk, festeja hamutuk hodi ezerse ita nia talent liu husi músika, jogu, debate, dansa kultura, sertame kadi kakutak, hodi nune’e maka ita kompleta lian akademika siensia ne’ebé mak estabele iha Ministeriu Ensinu Superior.
Iha abertura ne’e partisipa husi Presidenti FORTIL, Reitor Interinu, Vise Reitor I Asuntus Akademika no Estudantil, reprezentante Ministeriu Ensinu Superior Siénsia I Kultura, Professores, Dekanu, Xefe Departamentuno Estudantes sira hotu.
Jornalista : Edison Fernandes
Editora :Revelina Rangel
Leave a Reply