Universidade Oriental Timor-Lorosa’e hari’i iha tinan 2002-2003 ho naran Universidade Kontinentak Ka Unikom, hafoin progresu ne’e la’o Unikom nakfilak fali ho naran Universidade Oriental Timor-Lorosa’e (UNITAL), iha altura ne’eba Magnifiku Reitor iha ona hanoin oinsa atu hari’i Radio hamutuk ho nia vizaun no misaun ho nia moto, Hari’i Hadia no Haburas.
Universidade Oriental Timor-Lorosa’e, iha vizaun no misaun atu produs rekursus umanus ne’ebé kualifikadu hodi kompete iha parte marketin no publisidade.
Universidade Oriental Timor-Lorosa’e, iha fakuldade hitu hanesan Direitu, Sispol, Ekomonia, Agrikutlra, Engenaria, Saude no Edukasaun. Magnifiku Reitor UNITAL halo aproximasaun ba Departamentu Komunikasaun Sosial, Elektroniku no Informatika atu bele hari’i Radio UNITAL, iha Universidade Oriental Timor-Lorosa’e, bazeia ba konstituisaun da Republika Demokratiku Timor-Leste, iha artigo 40-41 katak, ema hotu-hotu iha direitu ba liberdade ko’alia nian, no iha direitu atu hetan informasaun ruma no tan informasaun lolo’os nian. Lei mak sei regula direitu no liberdade ne’ebé mak temi sai iha artigu ida ne’e, ho baze imperativu kona-ba respeita ba lei inan no respeitu ba ema idak-idak nia dignidade.
Departamentu Komunikasaun Sosiál tutela iha Fakuldade Siensia Sosiais no Politika, hodi responde ba komunidade akademika nian, maka Universidade inisia hodi hari’i Departamentu Komunikasaun Sosial iha tinan 2015.
Konstrusaun estudio Radio hahu iha loron 13 fulan abril tinan 2021 no remata iha loron 20 fulan maio tinan 2021, iha bekora dili timor-leste.
Razaun ne’ebé hari’i radio maka, atu haklaeken programa no informasaun kredivel sira ne’ebé iha ligadu ho instituisaun universidade oriental timor-lorosa’e, liu husi radio ita bele promove sivitas akademika sira nia kapasidade no talentu oin-oin ne’ebé estudantes sira iha.
Radio unital hahu halo rejistrasaun iha Autoridade Nacional de Comunicações (ANC) iha 14 fulan jullu tinan 2021. Hafoin iha loron 22 fulan setembru tinan 2022, UNITAL kontinua transfoma Radio sai Radio Televizaun Universidade-Oriental (RTVU).
1. Lema
“Buat hotu ba imi, informasaun no solusaun”
2. Vizaun
Radio Televizaun Universidade Oriental (RTVU), ho nia vizaun: husi Akademika Habelun Kbi’it La’ek, fó dalan naroman ba sosiedade timor-leste hodi inspira sira nia inspirasaun.
3. Misaun
- RTVU-O ho nia Misaun : Promove informasaun imperiku, kritiku no analitiku: Estimula konsiensia kritiku iha sivitas akademiku ho siénsia no lia lós liu husi informasaun aktual no facktual;
- Dezenvolve konpetensia jornalista ba informasaun kredibel, justu no akuradu iha sivitas akademiku no komunidade tomak;
- Devulga programa siénsia no teknolojia ne’ebé kréaktivu no ínovativu ba progresu divertimentu;
- Desamina informasaun ho karakter kontribui ba formasaun sidadania ne’ebé harmonia iha komunidade nia laran, no diversifika opiniaun sivitas akademiku no komunidade ho rigór ne’ebe integridade.
4. Objetivu
Radio Televizaun Universidade Oriental ho nia objetivu kontribui ba dezenvolvimentu Informasoes ba publiku no hasa’e kapasidade Rekursus Umanus estudantes selu husi Radio Televisao Universidade:
- Komunidade Akademika saí kompeténsia ho kualidade, kompetetivu, iha nia
kontribui ba Dezenvolvimentu Media Nasional no Internasional; - Komunidade akademiku ne’ebé ho karakter integridade profisonalismu;
- Hala’o mudansa ba karakteristika ne’ebé sólidu no integridade profisonalismu;
