Dili, 20 janeiru 2026 (RTVU), Prezidenti Komisaun Organizadora hala’o sorumutuk ho kargu Xefias Universidade oriental Timor lorosa’e (UNITAL), hodi ko’alia kona-ba preparasaun serimonia graduasaun ba dala XVI ne’ebé sei realiza iha loron 26, Fulan Janeiru, Tinan 2026, fatin Salaun Sentru Konvensaun Dili.
Prezidenti Komisaun Organizadora, Objetivu husi enkontru ne’e oinsa atu informa ba iha membrus responsavel sira, kada seksaun atu hatene sira nia tarefas servisu nian, hodi bele kolabora no servisu hamutuk iha Universidade liu-liu ba iha parte preparasaun ita nia serimonia graduasaun nian. Iha asuntu ne’ebé mak ligasaun ho ajenda ne’ebé enkontru, ami fokus liu ba iha preparasaun ba ita nia programa serimonio solene graduasaun ba dala sanulu resin ne’en, ba iha ita nia Universidade Oriental Timor Lorosa’e (UNITAL) ba iha tinan ida ne’e. Iha mós parte seluk serimonia graduasaun ne’e ita realiza tanba ita hetan ona despacho legal husi ita nia Minesteriu Ensinu Superior Siénsia I Kultura (MESCC) ho rasaun ida ne’e maka ita realiza ita nia programa garduasaun ne’e iha fali 2026 tuir los akontese iha 2025 iha Fulan Dezembru. Total ba iha graduadu ho graduada sira ne’ebé mak prepara bazeia ba informasaun ne’ebé mak iha liu husi dadus ne’ebé mak mai husi parte akademi katak ,estudante hamutuk atus ida lima nulu resin lima (551), mak sei gradua iha tinan ida ne’e ba segunda etapa nian. Cerilo Baltazar informa ba jornalista sira iha nia kna’ar fatin UNITAL Bekora Dili.
UNITAL tinan ne’e sei gastus orsamentu ho montante 16 mil ba iha serimonia graduasaun no sei aloka dala ida de’it ba iha ne’eba tanba ita sei aloka tuir nia posibilidade ba proposta sira kada seksoes sira ne’ebé mak submete, sei kuandu orsamentu ne’e la aloka hotu ita sei hatama fali ba iha kofer Universidade nian. Maibé la sentidu katak 16 mil ne’e fó hotu ba komisaun la’e orsamentu ne’e ita sentraliza de’it ba iha Universidade parte finansa nian. Nia hatutan
Primeru ita agradese ba iha nonu governu tanba ita hetan hela previlejiu foin dadaun rekrutamentu ba iha profesor sira foun ne’e inklui mós estudante sira ne’e atrai ba publiku katak Universidade privadu no publiku sira mós ho sira nia rekursus ne’ebé kualifikadu tanba ne’e mak ita nia governu konsidera sira dada sira sai hanesan funsionariu publiku
Intesaun husi ita nia eventus ida ne’e ita realiza ita hanoin halo iha CCD oinsa par atrai ita nia publiku atu nune’e ita nia estudante ensinu sekundaria sira hodi eskolha tuir sira nia hakarak ba iha Universidade sira ne’ebé mak sira hakarak kontinua sira nia estudu, tanba ne’e ita nafatin servisu hamtuk oinsa para atu bele halo ita nia serimonia ne’e ho di’ak atu ne’e aban bairua ita bele dezenbolve ita nia Universidade ne’e ba oin. Tenik nia.
Jornalista: Etelvina Doutel Sarmento
Editor : Revelina Rangel
Leave a Reply